МКҚК №61 “Шолпан” балабақшасында “Күзгі асар” атты қайырымдылық жәрмеңкесі ұйымдастырылды.

Іс-шараның мақсаты – тәрбиеленушілердің бойына мейірімділік, жанашырлық, қамқорлық сияқты адамгершілік қасиеттерді қалыптастыру, сондай-ақ қайырымдылық мәдениетін насихаттау.

Жәрмеңке барысында ата-аналар мен педагогтер белсенді қатысып, өз үлестерін қосты. Қайырымдылық – адам бойындағы асыл қасиеттердің бірі, ол өзгеге көмек көрсету арқылы ізгілік пен бірлікті нығайтады. 

Жәрмеңкеден түскен қаражат игі іске жұмсалды. 4 отбасыға материалдық көмек көрсетілді.

Осындай игі шараларға атсалысқан барша ата-аналар мен ұжымға алғыс білдіреміз.